ریاست کرناٹک میں گلبرگہ شہر کی وکلاء برادری نے سینیئر وکیل پرشانت بھوشن کی حمایت کرتے ہوئے کہا کہ 'ملک میں اپنی بات کو رکھنے کا پورا حق ہے۔'
گلبرگہ شہر کے وکلاء نے سینیئر ایڈوکیٹ پرشانت بھوشن کی حمایت کی
ان کا کہنا ہے کہ 'پرشانت بھوشن ایک سینیئر وکیل ہیں۔ انہوں نے ہمیشہ ملک میں ہونے والی نا انصافی پر اپنی آواز بلند کی ہے، ان پر توہین عدالت کا مقدمہ لگانا ان کے ساتھ نا انصافی ہے۔'
پرشانت پھوشن نے عدالت میں اپنی جو بھی بات رکھی ہے وہ وکلاء برادری کے لیے مثال ثابت ہوئی ہے۔
اس سلسلے میں سینئر ایڈوکیٹ استاد سعادت حسن نے کہا کہ 'اگر اس ملک کے وکلاء مضبوط نہیں ہو ں گے تو اس ملک کا قانون مضبوط نہیں ہو سکتا ہے۔ اس ملک کے وکلاء برادری کو مضبوط ہونے کی ضرورت ہے۔ سپریم کورٹ اگر پر شانت بھوشن کو سزا سناتی ہے تو اس ملک کے وکلاء کو اہمیت نہیں رہے گی۔'
