تعمیر ملت ضلع گلبرگہ کے نائب صدر حیدر علی باغبان نے کہا کہ مسجد اللہ کا گھر ہے۔ اور اس کی حفاظت کرنا ہم سب کی ذمہ داری ہے۔ انہوں نے کہا کہ شہر میں کئی ایسی مساجد ہیں جن کے نام وقف بورڈ میں رجسٹرڈ نہیں ہیں۔ اس لئے موجودہ حالات کے مدنظر مساجد کی حفاظت کے لئے وقف بورڈ میں رجسٹرڈ کرانا ضروری ہے۔
انہوں نے کہا کہ اگر ایک بار مسجد کو وقف بورڈ میں رجسٹرڈ کردیا گیا تو قانون کے لحاظ سے ہمیشہ کے لئے مسجد ہی رہتی ہے۔ انہوں نے مزید کہا کہ رجسٹرڈ ہونے کے بعد کوئی فرقہ پرست تنظیم مساجد کو نقصان نہیں پہنچاسکتی۔
انہوں نے مزید کہا کہ ملک آج ایسے حالات سے دوچار ہے جہاں چند فرقہ پسند تنظیمیں عبادت گاہوں کو نقصان پہنچانے کی کوششیں کررہی ہیں۔ اس لئے ہمیں چاہیے کہ مساجد کو وقف بورڈ میں رجسٹرڈ کرکے قانونی طور پر اس کی حفاظت کے لئے کام کر نے کی ضرورت ہے.
مزید پڑھیں:مہاراشٹر اسٹیٹ وقف بورڈ کو مثالی بورڈ بنانے کا عزم
انہوں نے شہر کی مساجد کمیٹی کے ذمہ داروں سے اپیل کی ہے کہ اپنے اپنے علاقوں کی مساجد کے نام وقف بوڈ میں رجسٹرڈ کرانے کو یقینی بنائیں۔
