گلبرگہ میں آنے والے سٹی کارپوریشن انتخابات میں مسلم کارپوریٹرس کو زیادہ سے زیادہ تعداد میں کامیاب بنانے کے لئے گلبرگہ کے معروف تاجر یونس خان کی قیادت میں مشاورتی اجلاس منعقد ہوا۔
موقع پر شہر کے سیاسی، سماجی اور ملی لیڈران نے شرکت کر آنے والے سٹی کارپوریشن انتخابات میں مسلم امیدواروں کو کامیاب بنانے کے لئے اپنی اپنی رائے رکھی۔
اس دوران معروف تاجر یونس خان نے کہا کہ گلبرگہ میں مرحوم سابق وزیر قمر السلام کے انتقال کے بعد گلبرگہ میں مسلم قیادت کمزور ہو چکی ہے۔ گلبرگہ سیاسی پارٹیوں صرف مسلمانوں کا استعمال کرتے آرہے ہیں، لیکن مسلموں کا کوئی کام نہیں ہو پا رہا ہے۔
اس لئے آنے والے سٹی کارپوریشن انتخابات میں کلبرگہ سٹی کارپوریشن انتخابات میں زیادہ سے زیادہ مسلم امیدوارں کا کامیاب کرنا بہت ضروری ہے۔ اس کے لئے مختلف پارٹیوں لیڈران کو متحد ہوکر انتخابات کے متعلق غور وفکر کرنے کی اشد ضرورت ہے۔
