گلبرگہ: کمشنر کا ڈرائیورکورونا سے متاثر

ریاست کرناٹک کے شہر گلبرگہ میں کورونا وائرس کا قہر بڑھتا جارہا ہے۔ گلبرگہ ضلع میں پولیس، بینک عملہ، ڈاکڑز کے علاوہ مختلف شعبہ حیات سے وابستہ افراد کورونا سے متاثر ہورہے ہیں۔

گلبرگہ کمشنر شرت بی کا ڈرائیور بھی کورونا سے متاثر ہونے کی تصدیق ہوئی ہے جبکہ کمشنر شرت بی نے بتا یا کہ کورونا وبا سے بچاؤ کےلیے احتیاط ضروری ہے۔

انہوں نے کہا کہ کورونا سے محفوظ رہنے کےلیے ماسک، سینٹازر کا استعمال کریں اور سماجی فاصلہ برقرار رکھے۔

کرناٹک میں اب تک 55115 افراد کووڈ۔19 سے متاثر ہوئے ہیں۔ جبکہ ہفتہ کو وزارت صحت کی جانب سے جاری اعدادوشمار کے مطابق ملک بھر میں گذشتہ 24 گھنٹوں کے دوران کورونا وائرس کے 34884 نئے کیسز سامنے آئے ہیں، جس سے متاثرین کی مجموعی تعداد 1038716 ہوگئی ہے۔ اسی دوران 671 افراد کی ہلاکت کے ساتھ ہی مرنے والوں کی تعداد بڑھ کر 26751 ہوگئی ہے۔