ریاست کرناٹک کے گلبرگہ شہر میں کمشنر آفس کے سامنے ہندوجاگرتی سینا کی جانب محکمہ پولیس میں مخلوعہ جائیدادوں کو پر کرنے کا مطالبہ کرتے ہوئے مظاہرہ کیا گیا۔
تنظیم نے ضلع بھر کے پولیس تھانوں میں کانسٹبل، اے ایس آئی، پی اے و دیگر خالی آسامیوں خالی عہدوں پر فوری بھرتیاں کرنے کا مطالبہ کرتے ہوئے احتجاجی مظاہرہ کیا۔ اس موقع پر ہندو جاگرتی سینا کے ضلع صدر لکشمن سواتی نے ای ٹی وی بھارت کو بتایا کہ گلبرگہ کے کئی پولیس اسٹیشنوں میں کانسٹیبل، ای ایس اے، پی ایس اے کی متعدد پوسٹیں خالی ہے جس کی وجہ سے علاقہ میں جرائم کی شرح میں اضافہ دیکھا جارہا ہے۔ انہوں نے ریاستی حکومت سے فوری طور پر تمام محکمہ پولیس میں خالی جائیدادوں پر بھرتیاں کرنے کا مطالبہ کیا۔ لکشمن سواتی نے وزیراعلیٰ سے شہر میں مزید چار نئے پولیس تھانوں کو منظوری دینے کا بھی مطالبہ کیا۔ اس سلسلہ میں ایک میمورنڈم یدی یورپا کو روانہ کیا گیا۔
