کرناٹک کے گلبرگہ ضلع کے پولیس کمشنر ڈاکٹر وائی ایس روی کمار نے کہا ہے کہ 12 ربیع الاول کے موقع پر نکا لا جانے والاجلوس میلاد النبی اس سال کووڈ کے احتیاطی تدابیر اور حکومت کرناٹک کے نئے کووڈ گائڈ لائن کے مطابق نہیں نکالا جاسکے گا۔
پولیس کمشنر نے میڈیا کو بتاتے ہوئے کہا کہ گلبرگہ میں جلوس میلا دالنبی نکالنے کی اجازت نہیں دی جاسکتی۔ ریاستی حکومت نئے گائیڈ لائنز کے مطابق عید میلاد النبی کا پروگرام اور کھانا کھلانے کے پروگرام کو صرف 100 شرکا کے ساتھ منعقد کرنا ہوگا۔ کوویڈ 19 کے احتیاطی تدابیر کی مکمل پابندی کرنے ہوگی۔
انھوں نے مسلمانانِ گلبرگہ سے تعاون کرنے اور سادگی کے ساتھ عید میلاد النبی منانے کی اپیل کی ہے۔
