دنیا میں ایسے بہت سے افراد ہیں جو آج صحت مند اور تندرست رہنے کے باوجود دوسروں کے سامنے ہاتھ پھیلاتے ہیں۔ تاہم ریاست کرناٹک کے شہر گلبرگہ کے جگت سرکل فٹ ہاتھ پر ایک 70 سالہ بزرگ خاتون شانتا بائی جو گذشتہ پچاس برسوں سے موچی کے پیشے سے وابستہ ہو کر اپنی زندگی خود داری سے گزار رہی ہیں۔
انھوں نے ای ٹی وی بھارت سے بات کرتے ہوئے بتایا کہ اپنی زندگی دوسروں کے سامنے ہاتھ پھیلاتے ہوئے نہیں گزارنی نہیں چاہیے بلکہ خود محنت کر کے اپنی زندگی خود داری سے گزارنے کی ضرورت ہے۔
شانتا بائی نے شوہر کے انتقال کے بعد بھی 'موچی' کا کام جاری رکھا اور نہ صرف اپنی چھ بیٹیوں کی پرورش کی بلکہ ان کی شادی بھی کرائی۔ چھ بیٹیوں کے علاوہ ان کے پاس ایک بیٹا بھی ہے۔ خاص بات یہ ہے کہ وہ آج بھی محنت کر کے 'خودداری' کے ساتھ زندگی گزار رہی ہیں۔
مہنگائی کے دور میں بھی شانتا بائی محنت کر کے اپنے بیٹے کی مدد کر رہی ہیں۔
