ریاست کرناٹک کے ضلع یادگیر میں بہوجن سماج پارٹی کے ضلعی صدر تجمل حسین نے کہا کہ ضلع میں پارٹی کارکنان نے تمام کورنٹائن سینٹر کا دورہ کیا اور لوگوں کو خاص طور سے صاف صفائی کی تلقین کی گئی۔
بہوجن سماج پارٹی کے ضلعی صدر تجمل حسین
انھوں نے ضلع کی عوام سے اپیل کی ہے کہ وہ کورونا وائرس سے بے خوف رہیں لیکن زیادہ سے زیادہ احتیاطی اقدامات پر عمل کریں۔
انہوں نے کہا کہ شہر کے بند نلی دیہات کے کورنٹائن سینٹر میں بنیادی سہولتوں کا فقدان ہے۔
بی ایس پی رہنما نے ضلع انتظامیہ سے اپیل کی ہے کہ دیہاتوں کے کورنٹائن سینٹرز پر بنیادی سہولتوں کا خاص خیال رکھا جائے اور صاف صفائی پر خصوصی توجہ دی جائے کیونکہ وہاں کافی گندگی ہے۔
انھوں نے عوام سے کہا ہے کہ اگر کسی کو کورونا وائرس ہوا ہے یا کوئی کورونا متاثر سے رابطہ ہوا ہے تو سرکاری کورنٹائن نہ جاتے ہوئے خود کو ہوم کورنٹائن کرلے۔
