اردو صحافی سید ساجد نے میڈیا سے بات کرتے ہوئے بتایا کہ کرناٹکا یونین آف ورکنگ جرنلسٹ ایسوسی ایشن ضلع یادگیر کی جانب سے یوم صحافت 24 جولائی کو منایا جائے گا۔ اسی ضمن میں ضلع بھر کے مختلف تعلقہ جات کے تمام زبانوں کے صحافیوں کے کھیلوں کا انعقاد عمل میں لایا گیا ہے جس میں گرمٹکل، شاہ پور، شورا پور، وڈگرہ، ہنسگی تعلقہ جات شامل ہیں۔
کنڑا صحافی سونیل پاٹل نے بتایا کہ کورونا اور لاک ڈاؤن کی وجہ سے صحافیوں کو ذہنی تناؤ کا شکار ہونا پڑا تھا۔ صحافیوں کے ذہنی سکون کی خاطر یہ کھیلوں کا انعقاد کافی اہمیت رکھتا ہے۔
مزید پڑھیں:
مالیگاؤں: آئینۂ صحافت کے اجراء پر احسان الرحیم کی 40 سالہ صحافتی خدمات کا اعتراف
انہوں نے کہا کہ کرناٹکا یونین آف ورکنگ جرنلسٹ ایسوسی ایشن ضلع یادگیر کے صدر اندودھر قابل مبارکباد ہیں کہ انہوں نے یوم صحافت کے موقع پر ضلع بھر کے مختلف زبانوں کے صحافیوں کو ایک جگہ جمع ہونے اور مختلف کھیلوں میں دلچسپی رکھنے والے صحافی اپنی اپنی صلاحیت سے کھیلوں کے حوالے سے اپنی صلاحیت کو ابھرنے کا موقع عطا کیا ہے۔ انہوں نے کہا کہ اس طرح سے کھیلوں کا انعقاد آگے بھی جاری رکھنا چاہیے۔
