بنگلورو: کرناٹک میں کانگریس حکومت کی طرف سے شروع کی گئی شکتی یوجنا کے تحت خواتین 11 جون سے ریاستی بسوں میں مفت سفر کر سکیں گی۔ سرکاری ذرائع کے مطابق سرکاری بسوں میں مفت سفر کرنے کے لیے خواتین کو اسمارٹ کارڈ بنوانا ہوگا، جو درخواست جمع کرنے کے بعد دستیاب کرایا جائے گا۔ اسمارٹ کارڈ کے لیے درخواست کا عمل اگلے تین ماہ تک کھلا رہے گا، لیکن اس دوران خواتین ریاست یا مرکزی حکومت کی طرف سے جاری کردہ شناختی کارڈ دکھا سکتی ہیں۔ ٹرانس جینڈر بھی شکتی یوجنا کے فوائد حاصل کرنے کے اہل ہیں۔ تاہم، اسکیم سے فائدہ اٹھانے کے لیے شرائط لاگو ہیں۔ انہوں نے بتایا کہ خواتین صرف سرکاری بسوں میں سفر کر سکتی ہیں نہ کہ راجہنسا، نان اے سی سلیپر اور ایراوت جیسی لگژری بسوں میں۔ مزید یہ کہ یہ اسکیم صرف کرناٹک کے باشندوں کے لیے دستیاب ہے۔
کرناٹک میں اقتدار میں آنے کے بعد کانگریس نے جن پانچ 'اہم' وعدوں کو پورا کرنے کا وعدہ کیا تھا اس کے پیش نظر دو جون کو میٹنگ کی گئی۔ جس میں تمام گھروں کو 200 یونٹ مفت بجلی (گریہ جیوتی)۔ ہر گھر کی خاتون سربراہ کو 2,000 روپے کی ماہانہ امداد (گریہ لکشمی)، بی پی ایل خاندان کے ہر فرد کو 10 کلو چاول مفت (انا بھاگیہ)، بے روزگار گریجویٹ نوجوانوں کے لیے ماہانہ 3,000 روپے اور بے روزگار ڈپلومہ ہولڈرز کے لیے 1,500 روپے دو سال (یووا ندھی) اور خواتین کے لیے پبلک ٹرانسپورٹ بسوں میں مفت سفر ہے۔
یہ بھی پڑھیں: Karnataka Cabinet Meeting تمام پانچ انتخابی وعدوں کو اسی مالی سال میں پورا کیا جائے گا: سدارامیا
یو این آئی
