ریاست کرناٹک میں شہر گلبرگہ کے چیتا پور ریلوے ریلوے سٹیشن پر ایک خاتون اس وقت کرشمائی طور پرہلاک ہونے سے محفوظ رہ گئییں، جب سامان سے لدی ٹرین انکے اوپر سے گزر گئی۔
بتایاجاتا ہے کہ جب ایک خاتون پٹری کو عبور کررہی تھی اس وقت ٹرین ان کے سامنے آگئ جیسے ہی اس کی نظر ٹرین پر پڑی وہ فوری طور پر پٹری کے درمیانی حصے میں لیٹ گئی۔
وہاں موجود افراد نے بتایا کہ اس ضعیف خاتون نے پٹری کو عبور کرتے ہوئے پلیٹ فارم پر جارہی تھی کہ اچانک ریل گاڑی پٹری پر آگئی جس کے بعد وہ پٹری کے درمیان میں لیٹ گئی۔ اور ٹرین انتہائی تیز رقتار سے ان پر سے گزرتی چلی گئی۔
مزید پڑھیں : آل انڈیا ریلوے چیمپئن شپ کا آغاز
خاتون اسی طرح ہمت و جرأت کے ساتھ پٹریوں کے درمیانی خلا میں نیم دراز رہیں، حتیٰ کہ مکمل ٹرین اس پٹری سے نہ گزری۔
اس واقعہ کی کسی مسافر نے اپنے موبائل میں ریکارڈ کرلیا وہاں موجود تمام مسافر اس منظر کو دیکھ کر حیران رہے گئے۔
اطلاع ملتے ہی ریلوے پولیس نے فوری طور پر اس خاتون ریلوے ہسپتال لے جاکر ان کا طبی معائنہ کروایا گیا۔
