بھارتی کسان یونین کی آواز پر آج پورے ملک میں ریل روکو مہم چلائی گئی، جو دوپہر بارہ بجے سے شام 4 بجے تک جاری رہا۔
تو وہیں کرناٹک کے ضلع یادگیر میں بھی کسانوں سے جڑی مختلف تنظیموں نے اجتماعی طور پر ریل روکو مہم میں حصہ لیا۔
شہر کے شاستری چوک سے ریلوے اسٹیشن تک ایک ریلی نکالی گئی اور ریلوے اسٹیشن کے سامنے احتجاج کیا گیا، ریل روکو مہم کے پیش نظر محکمہ ریلوے نے بھی خصوصی تیاری کرتے ہوئے ریلوے پروٹکشن اسپیشل فورس کے اہلکاروں کو تعینات کیا۔
اس موقع پر ریلوے پروٹیکشن اسپیشل فورس کی ذمہ داران نے کسان تنظیموں کے مختلف ذمہ داران سے بات کرتے ہوئے کہا کہ یادگیر میں صبح سات بجے اور دس بجے دو اسپیشل ٹرینیں چل رہی ہے۔
دوپہر بارہ بجے سے شام 4 بجے تک کوئی بھی ٹرین نہیں ہے اس لیے آپ تمام احباب برائے مہربانی اسٹیشن کی باہر ہی اپنا احتجاج کریں۔
کسان تنظیموں کے ذمہ داران نے سٹیشن کے باہر ہی اپنا احتجاج جاری رکھا
اس موقع پر یادگیر کے علاوہ ضلع کے مختلف تعلقہ جات کی کسان تنظیموں نے اس ریل روکو احتجاج میں شرکت کی۔
