Rahman Khan رحمان خان نے کرناٹک کی بی جے پی حکومت پر کرپشن کا لگایا الزام

سابق مرکزی کے رحمان خان نے کرنانٹک حکومت پر تنقید کرتے ہوئے کہا کہ وزیرعلیٰ دفتر سے صحافیوں کو نقد رقم تحفے میں دینے کا مطلب ہے کہ بی جے پی کی بنیاد ہی کرپشن ہے۔ وہ اس سے زیادہ کچھ بھی نہیں کرسکتے ہیں۔K Rahman Khan

بنگلور: کرناٹک کے وزیراعلیٰ بسوراج بومائی پر الزام عائد کیا گیا ہے کہ ان کے دفتر نے دیوالی کے موقع پر کچھ صحافیوں کو مٹھائی کے ڈبوں کے ساتھ ایک ایک لاکھ روپے کے نقد تحفے بھیج کر رشوت دینے کی کوشش کی جب کہ وزیر بسوراج بومائی نے اس الزام کو بے بنیاد قرار دیتے ہوئے اسے کانگریس کی سازش قرار دیا ہے۔ EX Central Minister K Rahman Khan Slam BJP Led Karnataka Govt

اس سلسلے میں سابق مرکزی وزیر ڈاکٹر کے رحمان خان نے کہا کہ ریاست میں بی جے پی حکومت کی بنیاد ہی کرپشن رشوت خوری ہے، کہ دیگر پارٹیوں کے ارکان اسمبلی کو خرید کر حکومت بنانے کا بی جے پی کے علاوہ کوئی اور نہیں کر سکتا ہے۔پورا ملک گواہ ہے کہ مہاراشٹر،کرناٹک اور مدھیہ پردیش اس کی عمدہ مثال ہے۔ لہذا اس میں کوئی تعجب نہیں کہ وزیراعلیٰ بدعنوانی میں ملوث ہیں.

کانگریس کے رہنما ڈاکٹر کے رحمان خان نے کہا کہ جب بی جے پی حکومت ہی 40٪ کمیشن خوری میں ملوث ہے تو یہ ہرگز بعید نہیں کہ ان کے دفتر سے صحافیوں کو تحفوں کے ساتھ کیش رقم دی گئی ہو.

واضھ رہے کہ وزیر اعلیٰ کے دفتر سے مبینہ طور پر چند صحافیوں کو دیلوالی کے تحفوں کے ساتھ کیش دینے کے معاملے کے خلاف لوکایکتا میں شکایت درج کی گئی ہے. EX Central Minister K Rahman Khan Slam BJP Led Karnataka Govt