ریاست کرناٹک کے ضلع یادگیر میں میں عیدالضحیٰ کے پیش نظر 12، 13 اور 14 اگست کو بلدیہ کی جانب سے خصوصی ٹریکٹر گاڑیاں کچرا دان اور بلیچنگ پاؤڈر کے ساتھ ساتھ صاف صفائی کے لیے مزید کارکنان کا مطالبہ کیا گیا ہے۔
عیدگاہ کمیٹی کے صدر منصور احمد افقان نے ای ٹی وی بھارت سے بات کرتے ہوئے کہا کہ محکمہ بلدیہ سے یہ مطالبہ کیا گیا ہے کہ شہر یادگیر میں خاص کر مسلم محلوں میں خصوصی کچرا اٹھا نے کا نظم کیا جائے۔
وہیں دوسری جانب کمیٹی کے صدر منظور احمد نے کہا کہ قربانی کے جانوروں کی فوٹو واٹس ایپ اور فیس بک پر شیئر نہ کریں۔
انہوں نے تمام مسلمانوں سے گزارش کی کے محکمہ بلدیہ کی جانب سے جو ٹریکٹر قربانی کے جانوروں کی باقیات لے جانے کے لیے چلائے جارہے ہیں ان میں ہیں جانوروں کی باقیات ڈالیں۔
اس موقع پر کمشنر یادگیر رامیش نے بھی ای ٹی وی بھارت کو بتایا کہ ہر برس کی طرح اس برس بھی محکمہ کی جانب سے عید الضحیٰ کے موقع پر وارڈ میں گھوم کر ٹریکٹر کے ذریعے قربانی کے جانوروں کی باقیات اٹھائی جائے گی۔
