ڈاکٹر تسلیم احمد رحمانی نے کہا کہ کرناٹک میں لوگ بڑی تعداد میں ایس ڈی پی آئی پارٹی سے جڑ رہے ہیں۔ انہوں نے بتایا کہ بنگلور ڈی جے ہلی فسادات کے سلسلہ میں ایس ڈی پی آئی پارٹی کو نشانہ بناتے ہوئے کئی کارکنوں کو گرفتار کیا گیا اور پارٹی کے رہنماؤں پر بے بنیاد الزامات لگائے گئے جبکہ ایس ڈی پی آئی ایک سیکولر پارٹی ہے اور کرناٹک میں عوامی خدمات کا ایک ریکارڈ رکھتی ہے۔
ڈاکٹر تسلیم احمد رحمانی نے گلبرگہ شہر کا دورہ کیا
انہوں نے کرناٹک میں ایس ڈی پی آئی کو ختم کرنے کی سازش کا الزام عائد کرتے ہوئے ریاستی حکومت کو تنقید کا نشانہ بنایا۔ انہوں نے پارٹی پر لگائے جارہے الزامات کو بے بنیاد اور جھوٹا قرار دیا۔ ایس ڈی پی آئی کے جنرل سکریٹری نے ڈی جے ہلی فسادات میں گرفتار افراد کو فوری رہا کرنے کا مطالبہ کیا اور بے قصور افراد کی رہائی کےلیے ہرممکن کوشش کرنے کے عزم کا اظہار کیا۔
