ریاست کرناٹک کے ضلع یادگیر میں واقع وارد ہسپتال کے ڈاکٹر وارد نے میڈیا سے بات کرتے ہوئے بتایا کہ 'ویکسین لینے کی وجہ سے لوگوں میں ان دنوں سانس لینے میں تکلیف، کھانسی، تیز بخار جیسے امراض میں کمی آرہی ہے۔'
انہوں نے کہا کہ 'یادگیر ضلع سرکاری ہسپتال میں مریضوں کی تعداد میں اضافہ ہو رہا ہے اس کی وجہ یہ ہے کہ دیہاتوں میں پرائمری ہیلتھ سینٹر میں مریضوں کی دیکھ بھال صحیح طرح سے اور وقت پر نہیں ہو رہی ہے۔' جس کی وجہ سے یہ مریض شہر کے سرکاری ہسپتال کی طرف رُخ کر رہے ہیں۔'
انہوں نے کہا کہ 'پرائمری ہیلتھ سینٹر میں ڈاکٹرس بھی سنجیدگی سے کام نہیں کر رہے ہیں۔'
ڈاکٹر وارد نے کہا کہ 'وڈگرہ، علی پور، رام سمندر وہ دیگر پرائمری ہیلتھ سنٹرز کے ڈاکٹرز کو چاہیے کہ وہ وقت پر اپنی ڈیوٹی انجام دیں اور دیہات کے مریضوں کا بہتر علاج کریں تاکہ انہیں شہر کے سرکاری ہسپتال میں آنے کی ضرورت نہ پڑے۔'
یہ بھی پڑھیں: کرناٹک: دو اکتوبر کو صحافیوں کے لیے ہیلتھ کیمپ کا انعقاد کیا جائے گا
انہوں نے شہر میں ان دنوں خاص کر بچوں میں ڈینگو، ملیریا جیسے امراض کے اضافے پر افسوس ظاہر کرتے ہوئے کہا کہ 'محکمہ بلدیہ کو چاہیے کہ وہ محکمہ ہیلتھ کے ذمہ داران کے ساتھ مل کر اس موسمی امراض کا حل تلاش کریں اور مچھروں سے پیدا ہونے والی بیماریوں کی روک تھام کے لیے ہر ممکن اقدام کریں۔
