غیرسیاسی تنظیموں نے راشن تقسیم کیا

لاک ڈاؤن کی وجہ سے شہر یادگیر میں کئی غیر سیاسی تنظیمیں ضرورت مندوں میں راشن تقسیم کر رہی ہیں تاکہ دو وقت کا کھانا انہیں مل سکے۔

ریاست کرناٹک کے ضلع یادگیر میں ایک تنظیم پنچایت راج رورل ڈیولپمنٹ کی جانب سے غریب لوگوں میں راشن کی تقسیم کر رہی ہے۔ اس راشن کٹ میں چاول، دال، تیل، اچار، آٹا، صابن و دیگر اشیائے ضروریہ شامل ہے۔

انصار پٹیل نے ای ٹی وی بھارت سے بات کرتے ہوئے کہا کہ 'ہم لوگ اپنی طرف سے جہاں تک ہوسکے غریب اور بے سہارا لوگوں میں راشن کی تقسیم کر رہے ہیں۔

اس موقع پر انہوں نے عوام سے اپیل کرتے ہوئے کہا کہ 'کرونا وائرس سے بچنے کے لیے لیے حکومت کی جانب سے بتائے گئے احکامات پر سختی کے ساتھ عمل کریں

اور انہوں نے شہر یادگیر کے اہل خیر احباب سے بھی گزارش کی ہے کہ 'اپنے اطراف میں رہنے والے غریب غرباء کے مسائل کو حل کرنے کی کوشش کریں۔ اس موقع پر مولا علی اور محمد حاجی بھی موجود رہے۔