ریاست کرناٹک کے ضلع یادگیر کے سپنا گراؤنڈ میں حکومت کی جانب سے رجسٹرڈ مزدوروں میں راشن کٹس تقسیم کیے گئے۔ راشن کٹس کی تقسیم کے دوران لوگوں کی لمبی قطاریں دیکھنے کو ملی۔ اس لمبی قطار سے اندازہ لگایا جاسکتا ہے کہ موجودہ حالات میں عام انسان دو وقت کے کھانے کے لیے کس قدر مجبور ہے۔
اس دوران مختلف گاؤں و دیہاتوں سے آئے لوگ گھنٹوں لائن میں کھڑے ہوکر اپنی باری کا انتظار کرتے نظر آئے۔ قطاروں میں کھڑے ضرورت مندوں کو دیکھ کر اس بات کا اندازہ لگایا جاسکتا ہے کہ کورونا اور لاک ڈاؤن کے بعد عام لوگوں میں دو وقت کی روٹی کتنی اہمیت رکھتی ہے۔
یہ بھی پڑھیں: ایکشن ایڈ کی جانب سے کورونا مریضوں میں راشن کی تقسیم
راشن کٹس تقسیم کے دوران کورونا گائڈ لائنز کی خلاف ورزی کی گئی۔ اگر متعلقہ حکام دیہاتوں میں رہنے والے احباب کو دیہاتوں میں ہی راشن کٹس اور شہر میں رہنے والے لوگوں کے لئے وارڈ کی سطح پر ہی راشن تقسیم کرتے تو کورونا گائڈ لائنز کی خلاف ورزی نہیں ہوتی۔
