ریاست کرناٹک کے ہادگیر میں کورونا وائرس کے بڑھتے انفیکشن کو روکنے کے لئے محکمہ صحت اور محکمہ بلدیہ دن رات اپنی خدمت انجام دے رہے ہیں۔
یادگیر میں کورونا وائرس کے انفیکشن کی روک تھام کے لئے دوا کا چھڑکاؤ کیا جا رہا ہے۔ آج شہر کے بلدی حلقہ 13 میں فائر ڈیپارٹمنٹ اور محکمہ بلدیہ کے اشتراک سے کورونا وائرس کی روک تھام کے لیے ادویہ کے چھڑکاؤ کی مہم شروع کی گئی۔
بلدی موقع 13 کہ بیشتر گلیوں میں سوڈیم ہاپرو کلورائیڈ کے چھڑکاؤ کا کام انجام دیا گیا۔
اس موقع پر بلدیہ حلقہ نمبر 13 کے معاون رکن محمد کلیم نے بتایا کہ 'محکمہ بلدیہ اور فائر ڈپارٹمنٹ کی جانب سے آج ہمارے بلدیہ حلقہ کے تمام عوامی مقامات پر کورونا وائرس کے انفیکشن سے بچنے کے لئے دوا کا چھڑکاؤ کیا گیا ہے۔'
انہوں نے کہا کہ 'اس کام کے لئے ہم محکمہ بلدیہ کا شکریہ ادا کرتے ہیں۔'
اس موقع پر انہوں نے عوام سے کرونا وائرس سے بچنے کے لئے بتائے گئے احتیاطی اقدامات پر سختی کے ساتھ عمل کرنے کی اپیل کی
