ریاست کرناٹک کے ضلع بیدر کے ڈپٹی کمشنر رام چندرن نے تعلقہ سطح کے عہدیداران کو ہدایت دی کہ فرنٹ لائن ورکرز بشمول پوسٹل ڈیپارٹمنٹ، ایمپلائز اسسٹنٹ ٹرانسپورٹ عملہ جن کی عمر 18 سے 40 سال کے درمیان ہو انہیں ویکسین دیا جائے۔
کمشنر نے کہا کہ ملازمین اور ورکرز کو ویکسین لینے کی ترغیب دینے کے لیے باقاعدہ مہم چلائی جائے۔
لوگوں میں ویکسین کے تعلق سے شعور بیداری کے لیے مہم کا چلانا بڑی اہمیت رکھتا ہے۔
انہوں نے عہدیداران کو تاکید کی کہ تعلقوں میں قائم کیے گئے ویکسی نیشن مرکز میں جاری کیے گئے رہنما اصولوں کے مطابق ہر ایک ویکسینیشن مرکز میں تین یا چار ویکسین بوتھ قائم کیے جائیں۔
جسمانی دوری اور ماسک کے استعمال پر خصوصی توجہ دی جائے فرنٹ لائن ورکرز اور ملازمین کو ویکسین کے حصول میں کوئی مشکلات نہ ہوں اس کے لئے ویکسی نیشن مرکز پر معقول انتظام کیا جائے۔ اگر کوئی رکاوٹ ہو تو فوری طور پر اس کو دور کر لیا جائے۔
