سید اسحاق خالد نے کہا کہ ریاستی حکومت کی جانب سے لاک ڈاؤن کے دوران عام لوگوں کو جو سہولیات فراہم کی جانی چاہئے تھی اس میں وہ ناکام ثابت ہوئی ہے۔ انہوں نے کہا کہ ریاستی حکومت کی جانب سے خصوصی پیکج کا اعلان کیا گیا لیکن اس فائدہ صرف چند لوگوں کو ہی دیا گیا۔
انہوں نے کہا کہ وزیراعلیٰ نے ماہرین کے صلاح کے بغیر امدادی پیکج کا اعلان کیا جس میں کئی خامیاں تھیں۔ سید اسحاق خالد نے مزید کہا کہ اس خصوصی پیکیج میں بہت سارے شعبوں سے منسلک افراد کو نظر انداز کیا گیا۔ انہوں نے کہا کہ ’ایس ڈی پی آئی نے ریاستی حکومت سے اپیل کی ہے کہ پٹرول، ڈیزل کی قیمتوں میں کمی کی جائے اور کورونا سے مرنے والوں کے اہل خانہ کو 5 لاکھ روپئے امداد دینے کا مطالبہ کیا ہے۔
یہ بھی پڑھیں:
یادگیر: فرنٹ لائن ورکرز کی خدمات کی ستائش
انہوں نے کہا کہ ریاستی حکومت نے کورونا سے مرنے والے افراد جن کے پاس بی پی ایل کارڈ ہے ان کے خاندان کو صرف ایک لاکھ روپئے دینے کا اعلان کیا ہے۔ انہوں نے حکومت کے اعلان پر تبصرہ کرتے ہوئے کہا کہ کورونا سے مرنے والے تمام افراد کے خاندان کو ایک لاکھ روپئے کے بجائے 5 لاکھ روپئے دیئے جائیں اور کورونا سے متاثر بچوں کےلیے بھی مناسب اقدامات کرنے کا مطالبہ کیا۔
