ریاست کرناٹک کے شہر گلبرگہ میں بغیر لائسنس کے آٹو رکشا چلانے والوں پر قانونی کارروائی کرنے کا مطالبہ کرتے ہوئے کلیان کرناٹک آٹو رکشا ڈرائیورس تنظیم کی جانب سے گلبرگہ ضلع کمشنر آفس کے سامنے احتجاج کیا گیا۔
اس موقع پر آٹو ڈرائیورس تنظیم کے سیکریٹری راونا سدپا نے کہا کہ شہر میں بغیر لائسنس کے آٹو رکشا چلانے والوں کی تعداد میں اضافہ ہوتا جا رہا ہے۔ جس کی وجہ سے لائسنس لےکر آٹو چلانے والوں کے ساتھ نا انصافی ہو رہی ہے۔ بغیر لائسنس آٹو چلانے والے ڈرائیور کم داموں میں آٹو چلا رہے ہیں۔
جس سے لائسنس لےکر آٹو چلانے والوں کو اس کا اثر پڑ رہا ہے۔ لائسنس آٹو والوں کو انشورنس، لائسنس کا پیسہ یہ سب خرچ نکالنا پڑتا ہے۔ لیکن بغیر لائسنس والوں کو کچھ بھی نہیں دینا پڑھتا ہے۔ اس لیے یہ سب لوگ کم کرایہ لے رہے ہیں۔ جس سے پرمٹ آٹو رکشا والوں کو نقصان ہو رہا ہے۔ اس لیے شہر میں بغیر پرمٹ کے آٹو رکشا چلانے والوں پر قانونی کارروائی کرنے کا مطالبہ کرتے ہوئے ضلع کمشنر کو میمورنڈم پیش کیا گیا۔
