گلبرگہ میں کئی مہینوں سے زمین مافیاؤں کے خلاف کارروائی کرنے کے لئے مسلسل احتجاج کیا جارہا ہے اور زمین مافیاؤں میں شامل افسر کے آر ٹی آئی کے ذریعے دستاویزات حاصل کیے گئے اور گلبرگہ سٹی کارپوریشن میں شامل افسر کے خلاف قانونی کارروائی کر نے کے لئے گلبرگہ سٹی کارپوریشن کمشنر کو میمورنڈم پیش کیا گیا تھا۔
اس میمورنڈم اور مطالبہ کے تحت گلبرگہ کارپوریشن کمشنر نے پوری طرح تحقیقات کر کے غیر قانونی پی آئی ڈی نمبر دینے والے گلبرگہ سٹی کارپوریشن کے افسر ناگپا بھجنتری کو معطل کر دیا ہے۔ اسی طرح اور بھی دیگر افسران جو گلبرگہ میں گرام پنچایت سے لےکر ضلع پنچایت میں زمین مافیا گروپ کے ساتھ ملے ہوئے ہیں اور زمین مافیاؤں کے ساتھ مل کر جعلی اسٹامپ اور دستاویزات تیار کر کے عوام کو دھوکہ دیا جارہا ہے۔
ایس ڈی پی آئی کی جانب سے اس طرح زمین مافیاؤں کے گروپ کا پوری طرح سے پتہ لگا کر ضلع انتظامیہ اور ضلع پولیس کی جانب سے جانچ پڑتال کر کے اس طرح زمینوں پر غیر قانونی قبضہ کر نے والوں پر قانونی کارروائی کر کے سخت سزا دینے کا مطالبہ کیا گیا ہے۔
