کرناٹک کے دارلحکومت بنگلور میں واقع فریڈم پارک میں پاپیولر فرنٹ آف انڈیا کی جانب سے مرکزی حکومت کے خلاف احتجاج کیا گیا جس میں تنظیم کے سینکڑوں کارکنان نے مودی حکومت کے خلاف نعرے بازی کی اور رام نومی کے دوران ہوئے تشدد کی جانچ کا مطالبہ کیا۔ Violence During Ram Navami اس احتجاج میں پاپیولر فرنٹ کے رہنماؤں نے رام نومی کے دوران ہوئے تشدد کو سنگھ پریوار کی ایک منظم سازش قرار دیتے ہوئے کہا کہ 'بھارت میں مسلمانوں کو نہ صرف نشانہ بنایا جارہا ہے بلکہ انہیں ہی ملزم بھی بنایا جارہا ہے۔ اس لیے حکومت ہند ان تمام تشدد کی واردات کو کسی سیٹنگ جج کے ذریعے جانچ کرائے۔
واضح رہے کہ گزشتہ دنوں رام نومی کے موقع پر غیر مسلم سماج کی جانب سے ملک کے مختلف ریاستوں میں ریلیاں نکالی گئی تھیں جن میں ہندو سماج کے لوگوں کے کے ہاتھوں میں دیگر قسم کے ہتھیار دیکھے گئے۔ اس لیے پاپیولر فرنٹ کا حکومت سے مطالبہ ہے کہ ملک میں پیش آئے تمام تشدد کے واردات کو کسی سیٹنگ جج کے ذریعے جانچ کرائی جائے۔
