مویشی پروری سے منسلک افراد کو سرکاری امداد دینے کا مطالبہ

یادگیر میں کانگریس کے ریاستی صدر پنڈت راؤ نے یدی یورپا کی حکومت پر تنقید کرتے ہوئے کہا کہ کانگریس حکومت میں مویشیوں کے مرنے پر پانچ ہزار روپے امداد دی جاتی تھی جس کو یدی یورپا حکومت نے بند کردیا ہے۔

ریاست کرناٹک کے ضلع یادگیر میں کانگریس کے ریاستی صدر پنڈت راؤ نے یدی یورپا کی حکومت پر تنقید کرتے ہوئے کہا کہ کانگریس حکومت میں مویشیوں کے مرنے پر حکومت کی جانب سے پانچ ہزار روپے امداد دی جاتی تھی لیکن یدی یورپا کی حکومت میں اس اسکیم کو ختم کر دیا گیا۔

انہوں نے کہا کہ ہم نے ریاستی حکومت کے خلاف مویشی پالننے والے لوگوں کے ساتھ مل کر ضلع بیدر، کوپل، پاگل کوٹ اور بیجاپور میں احتجاج کیا ہے اور آنے والے ایک ہفتے میں ضلع یادگیر میں بھی ریاستی حکومت کے خلاف احتجاج کیا جائے گا۔

ریاستی حکومت دیگر طبقات کو ہزاروں روپے دینے کا اور کارپوریشن اور بورڈ بنانے کا جو اعلان کر رہی ہے ہمیں اس سے کوئی تکلیف نہیں ہے۔

انہوں نے کہا کہ 'مویشی پروری کرنے والے لوگ متعدد طبقات سے تعلق رکھتے ہیں اس لئے ہم وزیراعلی کرناٹک سے مطالبہ کرتے ہیں کہ سابقہ حکومت میں بکری کے مرنے پر پانچ ہزار روپے سرکاری امداد دی جاتی تھی اس اسکیم کو دوبارہ چالو کیا جائے۔ اگر ریاستی حکومت اس اسکیم کو دوبارہ شروع نہیں کرتی ہے تو ہم ریاستی حکومت کے خلاف احتجاج کریں گے۔ اس کے باوجود بھی اگر حل نہیں نکلتا ہے تو چلو بنگلور کے تحت ریلی نکال کر بنگلور میں احتجاج کریں گے۔