کرناٹک کے یادگیر ضلع میں بھی ریاست میں شراب بند کرنے کے لئے کرناٹک کسان سنگ یادگیر اور ویر بھارتی فاؤنڈیشن یادگیر کی جانب سے ڈپٹی کمشنر یادگیر کو ایک یادداشت پیش کی اس موقع پر شہر کے مذہبی رہنماؤں او کسانوں کے ساتھ اہم شخصیات نے شرکت کی۔
اس یادداشت میں وزیراعلی کرناٹکا بی ایس یڈی یورپا سے مطالبہ کیا گیا کہ لاک ڈاؤن کی وجہ سے عوام کافی پریشان ہے دو وقت کی روٹی کے لیے روزگار کے لیے عوام جدوجہد کر رہی ہے ایسے میں حکومت کا شراب کی دکانیں چالو کرنا عوام پر ظلم کرنے کے برابر ہے۔
اس موقع پر سوامی شانت ویر کسا مٹھ گرمٹکل نے کہا کہ 'پہلے تو لاک ڈاؤن کی وجہ سے کاروبار نہیں ہے ایسے میں گھر کا فرد ہی اگر کوئی کام کرتا بھی ہے تو وہ اپنے پیسے شراب خریدنے پر خرچ کرتا ہے تو اس سے روزمرہ کے گھریلو مسائل میں اور اضافہ ہوگا، حکومت کا شراب کی دکانیں چالو کرنے کا جو فیصلہ ہے وہ مناسب نہیں ہے اسی لئے ریاست کرناٹک میں شراب بندی پر پابندی ہونی چاہیے۔'
اس موقع پر کرناٹک کسان سنگ کے ریاستی نائب صدر لکشمی کانت پاٹل، بھارتیہ مزدور سنگھ کے ریاستی صدر وشوا رادھے، ویر بھارتی فاؤنڈیشن یادگیر کے صدر وجے ناتھ، کئی مذہبی رہنماؤں کے علاوہ دیگر موجود تھے۔
