ملک میں مسلم معاشرہ تعلیمی اعتبارِ سے نہایت ہی پسماندہ ہے، معاشی تنگی کی وجہ سے حصول تعلیم سے دور ہو رہا ہے اور اگر شوق و جزبے کے تحت تعلیمی اداروں میں داخلہ لے بھی لیا یے تو معاشی مسائل کی وجہ سے بچے تعلیم کے دوران ہی اسکول چھوڑ دیتے ہیں۔
ریاست کرناٹک کے دارالحکومت بینگلورو میں اس مسئلے کو بنیادی طور پر حل کرنے اور غریب طلباء کو تعلیمی میدان میں آگے لانے کی غرض سے 'دینیات صفہ فاؤنڈیشن' گزشتہ 4 سالوں سے "مسجد فار آل" کے تحت ایک بیداری مہم چلا رہی ہے، جس کے تحت ہفتے میں ایک دن مساجد میں ڈاپ آوٹ طلبہ کو خصوصی تعلیم و تربیت سے اراستہ کیا جاتا ہے۔
اس سلسلے میں 'دینیات صفہ فاؤنڈیشن' کے صدر ڈاکٹر مزمل نے کہا کہ ملت اسلامیہ کے بچوں میں بھی بے شمار صلاحیتیں موجود ہیں، جنہیں ہم ٹرینرز کے ذریعے ان طلبہ میں اعلیٰ تربیت پیدا کرنے کی کوشش کرتے ہیں۔
ڈاکٹر مزمل کا کہنا ہے کہ 'مسجد فار آل' کے نظریہ کو وہ ایک کامیاب تجربہ سمجھتے ہیں اور اس سے آنے والے 10 برسوں میں شہر کے تمام مسلم خاندان میں ہر بچے کو گریجوئیٹ بنانے میں کامیاب ہونگے۔
