19 فروری سے درگاہ حضرت خواجہ بندہ نواز کو ملک بھر کے زائرین کے لیےکھول دینے کا اعلان کیا گیا ہے۔
ریاست کرناٹک کے گلبرگہ میں مشہور درگاہ حضرت خواجہ بندہ نواز کو چھٹی خواجہ غریب نواز کے موقع پر 19 فروری بروز جمعہ سے ملک بھر کے زائرین کےلیے کھول دی گئی۔
اس ضمن میں سجادہ نشیں ڈاکٹر سید شاہ گیسودراز خسرو حسینی نے کہا کہ درگاہ میں صاف صفائی کا کام کیا جارہا ہے۔کورونا وائرس وبا کی وجہ سے درگاہ کو بند کردیا گیا تھا۔درمیان میں درگاہ شریف میں محدود پیمانے پر مختصر افراد کے لئے زائرین کو زیارت کے لیے موقع دیا گیا تھا۔خواجہ غریب نواز کے چھٹی شریف کے موقع پر درگاہ حضرت خواجہ بندہ نواز کو ملک بھر کے زائرین کے لئے کھول دینے کا فیصلہ کیاگیاہے۔
اس سلسلے میں زائرین سے اپیل کی گی ہے کہ وہ زیارت کے لیے آتے وقت ماسک پہنیں،سانیٹائزر استعمال کریں اور سماجی فاصلہ بنائے رکھیں۔درگاہ شریف کے کھلنے سے زائرین میں خوشی دیکھی جارہی ہے ۔گیارہ ماہ کے بعد زائرین کو زیارت کا موقعہ فراہم کیا جارہا ہے۔
