ریاست کرناٹک کے ضلع یادگیر کے سرکاری زچگی دواخانہ میں حاملہ خواتین کے لیے ہر روز معلوماتی کلاس لی جاتی ہے اور ان معلوماتی کلاس کے لیے تین نرسز کو مقرر کیا گیا ہے۔
اس ضمن نرس شالنی نے بتایا کہ سرکاری دواخانہ یادگیر میں آنے والی حاملہ خواتین کی ہر روز معلوماتی کلاس لی جاتی ہے۔
انہوں نے کہا کہ حاملہ خواتین کو کس طرح اپنی صحت کا خیال رکھنا اور بچہ پیدا ہونے کے بعد کس طرح اس کی پرورش اور بچے میں ہونے والی بیماریوں سے متعلق معلومات دی جاتی ہے۔
اس کے علاوہ ڈیلیوری کے وقت کون کون سی چیزیں درکار ہوتی ہیں اور کون کون سی غذا استعمال کرنی چاہئے، کتنی مقدار میں لینا چاہیے اور کن چیزوں سے دور رہنا چاہیے، کون سے پھل استعمال کرنا کن چیزوں کو نہیں کھانا ہے، یہ ساری باتیں بتائی جاتی ہے۔
انہوں نے کہا کہ اس کے علاوہ خواتین کو بچوں میں دوری کس طرح رکھی جاسکتی ہے وہ ساری معلوماتی باتیں بھی سمجھائی جاتی ہیں۔
شالنی نے کہا کہ بہت ساری خواتین کو معلومات نہ ہونے کی وجہ سے مختلف قسم کی پریشانیوں میں مبتلا ہو جاتی ہیں اسی لیے حکومت کی جانب سے حاملہ خواتین کو ان کی صحت اور بچوں کی پرورش سے متعلق معلومات فراہم کی جاتی ہے۔
انہوں نے کہا کہ حاملہ خواتین کا ہر ماہ چیک اپ کیا جاتا ہے اور ادویات دی جاتی ہے اس کے علاوہ خاتون ڈاکٹرز کی نگرانی میں ان کی ڈلیوری بھی کی جاتی ہے ساتھ ہی بچوں کے ڈاکٹر بھی یہاں پر موجود ہوتے ہیں جس کی وجہ سے پیدا ہونے والے بچے اور ان کی بیماریوں اور اس کی صحت سے متعلق اقدامات کیے جاتے ہیں۔
غور طلب ہے کہ عورت خدا کا خوبصورت شاہکار ہے عورت کے کئی روپ ہیں ماں، بیٹی، بہن، اور بیوی اس وقت مکمل عورت کہلاتی ہے جب وہ ماں بنتی ہے مگر عورت کو ایک عورت سے ماں بننے کا جو مرحلہ ہوتا ہے وہ کافی آزمائش صبر اور تکلیف دہ ہوتا ہے۔باوجود اس کے جسمانی طور پر کمزور سمجھی جانے والی عورت اپنی ہمت اور حوصلے سے اپنی اولاد کو جنم دیتی ہے حکومت کی جانب سے حاملہ خواتین کے لیے علاحدہ سرکاری ہسپتال ہوتا ہے جہاں پر ان کا علاج ہوتا ہے۔
