محکمہ صحت کی ملازم راجیشوری پاٹل نے کہا کہ ممبئی بینگلور اور دیگر مقامات سے ٹرین کے ذریعہ آنے والے مسافروں کا کووڈ ٹیسٹ کیا جا رہا ہے۔
اگر کسی کے پاس 72 گھنٹے کے اندر کا کووڈ نگیٹیو رپورٹ ہے تو ایسے مسافروں کو جانے کی اجازت دی جا رہی ہے۔ جن کے پاس کووڈ نگیٹیو رپورٹ نہیں ہے ان کا ٹیسٹ کیا جا رہا ہے۔
کووڈ رپورٹ دو دن میں ان کے موبائل پر دی جا رہی ہے یا ان کو فون کر کے رپورٹ کی تفصیلات بتائی جا رہی ہیں۔ انہوں نے کہا کہ یادگیر میں ہر روز 1200 سے 1300 لوگوں کا کووڈ ٹیسٹ کیا جا رہا ہے۔
جہاں تک ریلوے اسٹیشن کی بات ہے تو یہاں پر ہر روز 300 سے 400 لوگوں کا کووڈ ٹیسٹ کیا جا رہا ہے۔ صبح 6 بجے سے رات دیر گئے 12 بجے تک بینگلور ممبئی و دیگر شہروں سے آنے والے ٹرین کے مسافروں کو کووڈ ٹیسٹ کیا جا رہا ہے۔
اس موقع پر مسافروں نے بتایا کہ ہم لوگ جہاں سے آرہے ہیں وہاں پر بھی ٹیسٹ کیا گیا ہے اور یہاں بھی ٹیسٹ کیا جا رہا ہے۔ مسافروں کی سہولت کے لیے حکومت جو کام کر رہی ہے وہ بہتر ہے یہ ہماری صحت کے لیے ضروری ہے۔
مزید پڑھیں:
یادگیر: ماسک نہ لگانے پر جرمانہ
واضح رہے کہ یادگیر شہر میں ریلوے اسٹیشن کے علاوہ بس اسٹینڈ اور عوامی مقامات پر بھی کووڈ وین کے ذریعہ عوامی مقامات پر بھی کووڈ ٹیسٹ کیا جا رہا ہے۔ عوام کو چاہیے کہ وہ محکمہ صحت اور ضلعی انتظامیہ کا تعاون کرتے ہوئے کووڈ ٹیسٹ کروائیں اور کورونا سے بچنے کے لیے بتائے گئے احتیاطی اقدامات پر سختی کے ساتھ عمل کریں۔
