ریاست کرناٹک کے ضلع یادگیر میں تیزی سے پھیل رہے کورونا وائرس پر قابو پانے کے لیے ریاستی حکومت نے چند اضلاع میں لاک ڈاؤن نافذ کیا ہے۔ جس میں ضلع یادگیر بھی شامل ہے۔ لاک ڈاؤن 15 جولائی سے 22 جولائی تک نافذ رہے گا۔
ضروری اشیاء جیسے دودھ، سبزی، پھل، گروسری اسٹور اور پٹرول پمپس صبح 6 بجے سے دوپہر ایک بجے تک کھلا رکھنے کی اجازت دی گئی ہے۔
اس کے علاوہ زراعت سے متعلق دوکانوں کو بھی کھلا رکھنے کی اجازت ہے جبکہ ہسپتال، میڈیکل اسٹور دن بھر کھلے رہیں گے۔
یادگیر ضلع انتظامیہ نے عوام سے کورونا وائرس سے بچاؤ کے لیے بنائے گئے احتیاطی اقدامات پر سختی کے ساتھ عمل کرنے کی اپیل کی ہے اور ساتھ ہی ضرورت کے مطابق ہی گھر سے نکلنے کے لیے کہا گیا ہے۔
