کورونا وائرس: ضلع یادگیر ریاست میں دوسرے مقام پر

ضلع یادگیر میں کورونا متاثرین کی تعداد میں مسلسل اضافہ ہو رہا ہے، جس کی وجہ سے کورونا متاثرین کی تعداد میں ضلع یادگیر ریاست میں دوسرے مقام پر پہنچ گیا ہے۔

ریاست کرناٹک کے ضلع یادگیر میں کورونا وائرس کے 66 نئے معاملات درج کیے گئے ہیں جس کے ساتھ ہی ضلع یادگیر میں کورونا متاثرین کی تعداد 581 ہوگئی ہے۔ واضح رہے کبھی گرین زون میں رہنے والا ضلع یادگیر آج ریاست کے کورونا متاثرین کی تعداد میں دوسرے مقام پر ہے۔

وہیں گزشتہ روز کورونا وائرس سے متاثر 23 افراد کو صحتیاب ہونے پر ڈسچارج کیا گیا، اب تک ضلع میں کورونا وائرس سے 92 مریض صحت یاب ہو کر ہسپتال سے گھر جا چکے ہیں۔
جبکہ یادگیر میں 488 مریض ابھی بھی زیر علاج ہیں۔ وہیں اب تک ضلع میں صرف ایک مریض کی موت واقع ہوئی ہے۔