ریاست کرناٹک کے دارلحکومت بنگلور کے 200 مقامات پر کانگریس پارٹی کی جانب سے بی جے پی کے خلاف احتجاج کیا گیا۔ احتجاج کے دوران کانگریس پارٹی کے رہنماؤں نے بی جے پی حکومت پر تنقید کی،احتجاجیوں نے الزام عائد کیا کہ بی جے پی حکومت کرناٹک کی تاریخ میں سب سے بد عنوان حکومت ثابت ہوئی ہے اور اس احتجاج کے ذرریعہ ریاست کے عوام کو بی جے پی اور اس کی پالسی سے آگا ہ کرانا ہے۔
اس موقع پر ریاست کے سابق وزیر اعلی سدا رمیہ نے کہا کہ بی جے پی کی حکومت میں کوئی کام رشوت کے بغیر نہیں ہورہا ہے اور ہر محکمے میں وصولی کا بول بالا ہے۔
اس احتجاج میں آل انڈیا کانگریس کمیٹی کے جنرل سکریٹری رندیپ سنگھ سرجے والا، کرناٹک کانگریس کے صدر ڈی کے شیوکمار، کرناٹک اسمبلی کے اپوزیشن لیڈر سدارامیہ، کرناٹک لیجسلیٹیو کونسل کے اپوزیشن لیڈر بی کے ہری پرساد، این اے حارث ایم ایل اے سمیت کئی رہنماؤں نے احتجاج میں شرکت کی۔
واضح رہے کہ ریاست کرناٹک میں برسر اقتدار بی جے پی کی حکومت پر 40 فیصد کمیشن خوری کے سنگین الزامات عائد ہیں اور ساتھ ہی کانگریس کی جانب سے بی جے پی حکومت کی بدعنوانی کے خلاف مہم چلائی جارہی ہے ۔
مزید پڑھیں:Congress blames BJP لو جہاد کے نام پر بی جے پی عوام میں نفرت پھیلا رہی ہے، کانگریس رہنما
