شہنشاہ جذبات دلیپ کمار کے انتقال پر کرناٹک میں گلبرگہ کے سابق میئر ڈاکٹر اشفاق چلبل نے انہیں خراج پیش کیا۔ انہوں نے کہا کہ وہ دلیپ کمار کے شیدائی ہیں۔
انہوں نے بتایا کہ 2010 میں گلبرگہ شہر میں یوسف خان عرف دلیپ کمار کے نام پر کالج تعمیر کیا گیا تاہم اس کالج کے افتتاح کےلیے دلیپ کمار کو مدعو کیا گیا تھا لیکن مصروفیت کی بنا پر وہ نہیں آسکے جس کے بعد میئر کی حیثیت سے میں خود دلیپ کمار کے گھر پہنچا اور سنگ بنیاد کی تختی کا سائرہ بانو کی موجودگی میں دلیپ کمار کے ہاتھوں افتتاح عمل میں آیا۔
یہ بھی پڑھیں:
گلبرگہ: سڑک کی تعمیر اور دیگر ترقیاتی کاموں کا افتتاح
آج بھی اس کالج کو دلیپ کمار کے نام سے جانا جاتا ہے جبکہ ڈاکٹر اشفاق چلبل ہر سال دلیپ کمار کی سالگرہ کے موقع پر بڑے پیمانہ پر تقریب منعقد کرتے ہیں۔ دلیپ کمار کے انتقال پر ڈاکٹر اشفاق چلبل نے شدید غم کا اظہار کرتے ہوئے انہیں خراج پیش کیا۔
