بنگلورو: ورلڈ ڈے اگینسٹ چائلڈ لیبر کے موقع پر کرناٹک کے وزیر اعلیٰ سدرامیہ نے بنگلور میں ایک بیداری ریلی کا افتتاح کیا اور کہا کہ چائلڈ لیبر کی بھرتی قابل سزا جرم ہے، لہٰذا عوام، والدین اور کاروباری افراد کو اس سے آگاہ رہنے کی ضرورت ہے. اس موقع پر وزیر اعلیٰ نے حاضرین کو حلف بھی دلوایا۔ اس سلسلے میں ماہر تعلیم عبد السبحان نے اپنے ایک اہم پیغام میں کہا کہ چائلد لیبر بھرتی نہ صرف حکومت بلکہ سوسائٹی کی ناکامی ہے، کہ بچے جو ملک کا مستقبل ہیں، ان کی زندگیوں کے ساتھ کھلواڑ کیا جارہا ہے۔
انہوں نے کہا کہ چائلڈ لیبر جیسے شرمناک جرم کے خاتمے کے لیے سوسائٹی اپنا رول ادا کرے اور عوام میں اس کی اہمیت کے تئیں بیداری لانے کا کام کریں۔ سدرامیا انسداد چائلڈ لیبر ڈے کے موقع پر ایم جی روڈ پر مہاتما گاندھی مجسمہ کے قریب بیداری مارچ کا آغاز کیا۔ سدارامیا نے کہا کہ نہ صرف والدین بلکہ کاروباری مالکان کو بھی اس سے آگاہ ہونا چاہیے۔ اس سلسلے میں حلف پڑھایا گیا ہے۔
یہ بھی پڑھیں:Congress Govt کانگریس کے اقتدار میں عوام خوف سے آزاد رہیں گے، کرناٹک وزیراعلی
اگر بچے سکول جانے کی عمر میں کام کریں تو وہ تعلیم سے محروم ہو جاتے ہیں. آئین کہتا ہے کہ تعلیم سب کا بنیادی حق ہے۔ 18 سال سے کم عمر کے بچوں کو ملازمت نہیں دی جانی چاہیے۔ انہوں نے کہا کہ اگر کام کے لیے لیا جائے تو یہ خلاف قانون ہے. ان کے خلاف قانونی کارروائی ہو سکتی ہے. وزیراعلیٰ سدرامیہ نے کہا کہ آگاہی پیدا کی جائے گی اور بد نیتی سے بچوں سے مزدوری کرنے والوں کے خلاف کارروائی کی جائے گی۔
