بیدر: روٹری کلب آف بیدر نیو سنچری نے ڈی سی سی بینک شاخ بیدر کے تعاون سے بیدر ڈسٹرکٹ جیل میں زیرسماعت قیدیوں کے لیے سلائی کی تربیت کا اہتمام کیا تھا جس کی اختتامی تقریب سے خطاب کرتے ہوئے ڈسٹرکٹ لیگل سروسز اتھارٹی کے ممبر سکریٹری ایس کے کنکٹے نے کہا کہ یہ قابل ستائش ہے۔ انہوں نے زیر سماعت افراد کو کہا کہ سلائی کی تربیت سے خود انحصاری کی زندگی گزار سکیں گے۔ انہوں نے کہا کہ ہنر زندگی کی تعمیر میں مدد کرتا ہے۔
روٹری کلب کے صدر ڈاکٹر کپل پاٹیل نے کہا کہ 33 زیر سماعت قیدیوں کو ہینڈ بیگ، ٹفن بیگ، وینٹی بیگ، پرس اور دستاویزی ذخیرہ کرنے کے تھیلے بنانے کی 13 روزہ تربیت دی گئی۔ تربیت یافتہ افراد کو بیگ بنانے میں شامل ہونا چاہیے۔ انہوں نے کہا کہ وہ اپنی آمدنی بڑھانے کی کوشش کریں۔ انٹرنیشنل روٹری ڈسٹرکٹ گورنر مانیک پوار نے کہا کہ روٹری تنظیم تعلیم، صحت، ماحولیات سمیت مختلف شعبوں میں کا کر رہی ہے۔ روٹری کلب آف بیدر نیو سنچری کا کام، جس نے قیدیوں کو سلائی کی تربیت دی، مثالی ہے۔
یہ بھی پڑھیں: Freedom Park in Bangalore فریڈم پارک پر احتجاجات پر پابندی کو ہٹایا جائے، بنگلور میں احتجاج
انہوں نے کہا کہ روٹری کلب کی جانب سے 17 اضلاع میں اس نوعیت کی تربیت کے انعقاد کی کوشش کی جائے گی۔ ڈسٹرکٹ جیل سپرنٹنڈنٹ دتاتریہ ، ڈی سی سی بینک ڈائرکٹر سیوا پرساد نے بھی خطاب کیا۔ روٹری ویلفیئر زون کے سکریٹری سوریہ کانت رام شیٹی، شیوکمار پاٹل، وکرم، ستیش سوامی، محمد فردین، ڈاکٹر۔ رتیش ، ڈاکٹرراگھو کرشنامورتی، دتاتریہ پاٹیل، ڈاکٹرمحمد احمد، ڈاکٹر شرنیا سوامی، ضلع پنچایت پروجیکٹ منیجر ناگیندر، ٹرینر عبداللہ اور کلب سکریٹری شیوکمار موجود تھے۔
