مرنے والوں میں دیوادرگا کا (40) سالہ باشندہ بوڈپّا، جیوتی باسوا (20)، ناگمّا کا (42) سالہ بیٹا بھی شامل ہے، جو آج صبح اسپتال میں چل بسے۔ قبل ازیں مولاکلمورو تعلقہ کے قریب واقع بی جے کیری کے قریب کرناٹک اسٹیٹ آر ٹی سی بس میں ٹکر سے ایک جوڑا سمیت پانچ مقامی افراد ہلاک ہوگئے تھے۔ جب کہ زخمی ہونے والے 17 افراد کو بعد میں مختلف اسپتالوں میں داخل کیا گیا تھا۔
حادثہ میں تین شدید زخمیوں کو بہتر علاج کے لئے کل دوپہر ڈاون گیر ایس ایس اسپتال منتقل کیا گیا تھا۔ تاہم مناسب علاج نہ ملنے کے سبب تینوں ہی افراد شدید زخموں کی تاب نہ لاسکے اور ہلاک ہوگئے۔ ان کے افراد خاندان نے اسپتال انتظامیہ پر مبینہ لاپروائی کا الزام عائد کیا ہے۔
واضح رہے کہ مزدور تعمیراتی کام کے لئے بنگلور جا رہے تھے کہ یہ حادثہ پیش آیا۔ بتایا جاتا ہے کہ یہ حادثہ بس ڈرائیور کی لاپروائی کی وجہ سے پیش آیا۔ دیگر افراد کا مختلف اسپتالوں میں علاج جاری ہے۔
