بنگلور: بنگلور میٹرا ٹرانسپورٹ کارپوریشن کے ملازمین کے بچوں کو تعلیمی میدان میں نمایاں کامیابی حاصل کرنے پر ان کی حوصلہ افزائی کے لئے بی ایم ٹی سی کوآپریٹو سوسائٹی کی جانب سے ایک بڑے پیمانے پر اجلاس منعقد کیا گیا جس میں 850 سے زائد طلباء و طالبات کو مومینٹوز، سرٹیفیکیٹس و انعامات سے نوازا گیا. اس موقع پر اعزاز حاصل کرنے والے طلباء و ان کے والدین نے خوشی اور ادارے کے تئیں تشکر کا اظہار کیا کہ ادارہ ہر قدم پر ان کے تعلیمی سفر میں ساتھ رہا اور امداد کے لئے ہاتھ بڑھایا.
یہ بھی پڑھیں: Janata Dal Secular Gulbarga کسی بھی صورت میں بی جے پی سے اتحاد قبول نہیں کریں گے، جے ڈی ایس رہنما ناصر حسین
اس موقع پر ادارے کے سی ای او راگھویندر نے بی ایم ٹی سی کے ملازمین کے بچوں کے تعلیمی شعبوں میں شاندار کارکردگی پر خوشی کا اظہار کیا. اس موقع پر مہمانان خصوصی سابق ایم ایل اے سومیہ ریڈی و فیلکن انسٹیٹیوشنز کے ڈائریکٹر عبد السبحان نے طلباء کو نصیحت دی کہ وہ اونچے خواب دیکھیں اور ان کے حصول کے لئے محنت و جدوجہد کریں، پھر یقیناً کامیابی ان کے قدم چومیگی. یاد رہے کہ بی ایم ٹی سی کریڈٹ کوآپریٹو سوسائٹی گزشتہ 15 برسوں سے بلا ناغہ یہ پروگرام منعقد کرتی آرہی ہے، تاکہ طلباء کی حوصلہ افزائی کی جاسکے.
