کرناٹک کے سابق وزیر اعلی اور اسمبلی میں حزب اختلاف رہنما سدارمیا نے کہا کہ 'بی جے پی نے عوام کی توجہ منتشر کرنے کے لیے ہمیشہ انتقامی سیاست میں ملوث رہی ہے۔ شیو کمار کے گھر پر سی بی آئی کا چھاپہ، ضمنی انتخابات کی ہماری تیاریوں کو پٹری سے اتارنے کی ایک کوشش ہے۔
کانگریس کے ترجمان اور کرناٹک کے انچارج رندیپ سنگھ سرجے والا نے کہا کہ 'سی بی آئی کو بی ایس یدی یورپا کی سربراہی والی بی جے پی حکومت کی بدعنوانی پر توجہ دینی چاہیے۔
کرناٹک کے وزیر برائے میڈیکل ایجوکیشن ڈاکٹر سدھاکر نے کہا کہ 'ڈی کے شیو کمار اور ان کے بھائی کی رہائش گاہ پر ان چھاپوں میں کوئی سیاست ملوث نہیں ہے۔ انہوں نے کہا کہ ضمنی انتخاب اور آئی ٹی چھاپے کے مابین کوئی تعلق نہیں ہے اور سیاسی طور پر اس کی حوصلہ افزائی کرنے کا کوئی مطلب نہیں ہے۔
واضح رہے کہ آمدنی سے زائد اثاثوں کے معاملے میں کرناٹک، دہلی اور ممبئی میں ڈی کے شیوکمار کے بھائی اور ان کے ساتھیوں کے 14 مقامات پر چھاپے مارے گئے۔ شیو کمار منی لانڈرنگ کیس میں پچھلے سال کے اواخر میں 50 دن جیل میں بھی تھے۔ شیو کمار کو اس سال مارچ میں پردیش کانگریس کا صدر مقرر کیا گیا تھا۔
