اپنے خطاب میں پرکاش امبیڈکر نے کہا کہ 'این پی آر اور این آر سی صرف مسلم مخالف نہیں بلکہ ملک کے ہر باشندے کے خلاف ہیں۔
انہوں نے مرکزی حکومت پر نکتہ چینی کرتے ہوئے کہا کہ 'جمہوریت میں تانا شاہی نہیں چل سکتی، پرکاش امبیڈکر نے مزید کہا کہ 'این آر سی اور این پی آر نافذ کرنے کے پیچھے بی جے پی کی سازش ہے کہ وہ عوام سے شہریت چھین کر منوواد کا نظام نافذ کرنا چاہتی ہے.
اس موقع پر تمل ناڈو سے تعلق رکھنے والے لوک سبھا کے رکن تھول تھیروماولوم نے اپنے خطاب میں کہا کہ 'بی جے پی کی جانب سے نافذ کئے گئے قوانین کے خلاف ایک طویل و مضبوط جدوجہد کرنی ہوگی اور اسے تحریک بنانی ہے.
شانتی نگر حلقہ کے رکن اسمبلی این اے حارث نے بی جے پی پر الزام لگایا کہ مودی کی سربراہی والی مرکزی حکومت سی اے اے جیسے قوانین کے نفاذ کرنے میں ہٹلر کی پالیسیوں کو اپنا رہی ہے۔
حارث نے کہا کہ 'بی جے پی کی مذہب کے نام پر لوگوں کو تقسیم کرنے کی سیاست کو عوام ہرگز کامیاب نہیں ہونے دے گی۔
