گلبرگہ: لاک ڈاؤن سے پریشان حال تاجر نے خودکشی کی

کرناٹک کے شہر گلبرگہ میں کورونا وائرس کے پھیلاؤ کو روکنے کے لیے نافذ لاک ڈاؤن کے سبب پھلوں کے تاجر نے پریشان ہوکر خودکشی کرلی۔

ریاست کرناٹک کے ضلع گلبرگہ میں مومن پورہ علاقے کے چٹے واڑی کے رہنے والے عبدالقادر جن کی عمر 32 برس تھی انہوں نے پھانسی کا پھندہ لگاکر خودکشی کرلی۔ پھلوں کا کاروبار کرکے زندگی بسر کرنے والے عبدالقادر نے پھلوں کی خریداری کے لیے تین لاکھ روپے قرض لے رکھا تھا۔

بتایا جاتا ہے کہ لاک ڈاؤن کے سبب پھلوں کا کاروبار نہیں ہونے سے وہ بہت پریشان تھے۔ قرض کی ادائیگی کی صورت ناپاکر پھانسی لگاکر خودکشی کرلی۔

خودکشی کرنے کو لے کر چوک پولیس اسٹیشن نے معاملہ درج کرلیا ہے۔ مزید تحقیقات کی جاری ہے۔