جوشی نے میڈیا کو بتایا کہ دو روزہ اسمبلی اجلاس میں ، بی جے پی حکومت اپنی اکثریت ثابت کرے گی اور فائنانس بل منظور کرے گی ، جو ایک ناگزیر مسئلہ ہے اوراس کے بعد جلد ہی کابینہ کی تشکیل کی جائے گی۔
انہوں نے کہا کہ مرکزی رہنماؤں سے بات چیت کے بعد کابینہ تشکیل کی جائے گی اور اس کے بارے میں کوئی الجھن نہیں ہے۔
جوشی نے مزید کہا کہ'، ’’ہم چھوٹے کسانوں اور بے زمین مزدوروں اور کاریگروں کی زندگی پر مبنی ایک مستحکم اور ترقی پسند حکومت کی فراہمی کے لیے پرعزم ہیں۔ اچھی حکمرانی ہمارا مقصد ہے اور بی جے پی حکومت اسے یقینی بنائے گی‘‘۔
