کرناٹک اسمبلی میں لنچ بریک کے بعد ہنگامہ کے درمیان اسپیکر وشویشور ہیگڑے کاگیری نے اسمبلی میں انٹی کنورژن بل Anti Conversion Bill 2021 پیش کرنے کی اجازت دے دی۔
اس دوران اپوزیشن نے اس بل کی شدید مخالفت کی۔ اپوزیشن ارکان نے اعتراض کیا کہ انہیں اعتراضات کی کاپی نہیں دی گئی۔
اس سلسلے میں اپوزیشن لیڈر سدرامیا نے سوال کیا کہ اس قسم کے قوانین کو بھارتیہ جنتا پارٹی چوری سے کیوں لاتی ہے؟
یاد رہے کہ اینٹی کنورژن بل کی مخالفت میں ریاست بھر میں پر زور احتجاج و مظاہرے کئے جارہے ہیں۔ کئی سماجی و قانونی کارکنان کا کہنا ہے کہ اینٹی کنورشن بل عین دستور مخالف ہے۔
