کرناٹک کے ساحلی ضلع دکشن کنڑ میں بی جے پی یوا مورچہ کے ایک کارکن کے قتل کے بعد متعدد ہندو تنظیموں نے احتجاجاً بند کی کال دی ہے۔ بی جے پی کارکن کے قتل کے بعد فرقہ وارانہ طور پر حساس ضلع اور ساحلی علاقے میں سیکوریٹی بڑھا دی گئی ہے۔ جبکہ اس واقعہ نے فرقہ وارانہ رخ اختیار کر لیا ہے۔
BJP activist murdered in coastal karnataka
دریں اثناء وزیر اعلیٰ بسواراج بومئی نے بی جے پی کارکن پروین کمار کے قتل کی سخت مذمت کی ہے۔ انہوں نے کہاکہ "اس فعل کو انجام دینے والے شرپسندوں کو گرفتار کیا جائے گا اور قانون کے مطابق سزا دی جائے گی۔ پروین کی آتما کو شانتی ملے۔ بھگوان ان کے خاندان کو یہ نقصان برداشت کرنے کی طاقت دے"۔
CM Bommai condemns Praveen Natarru murder
بی جے پی یووا مورچہ کے رکن اور سولیا سے تعلق رکھنے والے 31 سالہ پروین کمار نیتارو پر منگل کی رات قاتلانہ حملہ کیا گیا۔ موٹر سائیکل پر سوار دو نامعلوم آحملہ آور نے ان پر تلواروں سے حملہ کیا اور موقع سے فرار ہوگئے۔ اگرچہ پروین کو فوری طور پر اسپتال لے جایا گیا، لیکن وہ گردن پر شدید چوٹ کی وجہ سے ہلاک ہوگئے۔ ہندو کارکنوں کا دعویٰ ہے کہ پراوین کو چار دن قبل اقلیتی برادری کے ایک نوجوان کے قتل کا بدلہ لینے کے لیے نشانہ بنایا گیا تھا۔
مزید پڑھیں:
اس واقعہ کے فوراً بعد بی جے پی یووا مورچہ کے کارکنان نے اسپتال کے سامنے دھرنا دیا اور ڈپٹی کلکٹر سے منگل کی رات موقع واردات کا دورہ کرنے کا مطالبہ کیا۔ انہوں نے میت کے ساتھ پٹور سے بیلارے تک جلوس نکالنے کا فیصلہ کیا ہے۔ وہیں بیلاری پولیس کیس درج کرتے ہوئے ملزمین کی تلاش شروع کردی ہے، جس کےلیے پولیس نے چار خصوصی ٹیمیں تشکیل دی ہیں۔'
