سینٹرل کرائم برانچ کے جوائنٹ کمشنر سندیپ پاٹل نے پیر کو کہا کہ کانگریس رہنما اور بنگالور کے سابق میئر سمپتھ راج کو ڈی جے ہالی اور کے جی ہالی تشدد معاملے کے سلسلے میں گرفتار کیا گیا ہے۔
قابل ذکر ہے کہ سمپتھ راج 31 اکتوبر کو بنگلور کے ایک اسپتال میں لاپتہ ہوگیا تھا جہاں اسے کوروناوائرس کے علاج کے لئے داخل کیا گیا تھا۔ انہٰن اسپتال انتظامیہ نے مبینہ طور پر پولیس کو اطلاع دیئے بغیر فارغ کردیا تھا۔
سمپتھ راج بنگلور شہر میں حالیہ ہجوم تشدد سے متعلق معاملے کا ایک ملزم ہے۔
اس سے قبل ان کے وکیل نے بنگلور تشدد معاملے میں ان کے خلاف دائر چارج شیٹ کے پیچھے سیاسی انتقام کا الزام لگایا تھا۔ ان کے وکیل نے کہا تھا کہ اس چارج شیٹ میں اس معاملے میں شامل کسی بھی الزام کو ثابت کرنے کے لئے کوئی مواد نہیں ہے۔
سی سی بی نے گذشتہ ہفتے 11 اگست کو ہونے والے تشدد کے سلسلے میں ابتدائی چارج شیٹ داخل کی تھی جس میں کانگریس کے کارپوریٹرز اے آر ذاکر اور سمپت راج کو ملزم قرار دیا تھا۔
واضح رہے کہ 11 اگست کو بنگلور کے چند علاقوں میں مبینہ طور پر 'توہین آمیز' سوشل میڈیا پوسٹ پر تشدد پھوٹ پڑا ہے۔ اس دوران کم از کم تین افراد ہلاک جبکہ اس واقعے میں 60 کے قریب پولیس اہلکار زخمی ہوئے تھے۔ پولیس نے تشدد کے الزام میں تقریبا 145 ملزمان کو گرفتار کیا۔
