بنگلور: ریاست کرناٹک کے بنگلور میں ایک ایسا واقعہ پیش آیا جہاں ملزم نے مہیلا سماج سمیت قومی بینکوں کے ذریعے قرض دینے کی بات کہہ کر کئی لوگوں سے پیسے لین والے ایک شخص کا قتل کردیا۔ اس کے بعد پولیس اسٹیشن میں خود سپردگی کردی۔ راج شیکھر نے راما مورتی نگر پولیس اسٹیشن میں مہیشپا کو قتل کرنے کے بعد پولیس کے سامنے خودسپردگی کی۔
راج شیکھر کل مہیشپا کو پیسہ دینے کی بات کہہ کر کار میں لے کر آیا تھا۔ اولاہلی کے قریب کار میں دونوں کے درمیان جھگڑا ہوا اور غصے میں آکر راج شیکھر نے مہیشپا کے سر پر راڈ سے حملہ کردیا۔ پولیس نے بتایا کہ ملزم نے بیان دیا کہ اس کی (مہیشپا) کی کار میں ہی موت ہوگئی۔ پولیس نے قتل کا مقدمہ درج کر کے ملزم سے مزید پوچھ گچھ شروع کر دی ہے۔ Bengaluru Man Murders Friend over Money
ننجنا گوڑو کے ہیمن گنڈی گاؤں کے مہیشپا اور ملزم راج شیکھر 13 سال سے ایک دوسرے کو جانتے تھے۔ مہیشپا نے کوآپریٹیو یونین میں شمولیت اختیار کی اور بہت سے لوگوں سے رقم لی اور انہیں یقین دلایا کہ وہ انہیں مختلف بینکوں سے مختلف اسکیموں کے تحت قرض دلوائے گا۔ بتایا جاتا ہے کہ رقم ملنے کے مہینوں بعد بھی اس قرض نہیں دلوایا۔ Bengaluru Man Murders Friend over Money
یہی نہیں اس نے لوگوں سے لی گئی رقم بھی واپس نہیں کی۔ اس طرح اس نے لوگوں کو دھوکہ دیا۔ ملزم راج شیکھر اور اس کی ماں مہیشپا کے ساتھ مالی لین دین میں ملوث تھے۔ راج شیکھر نے اپنا مکان فروخت کر کے رقم دی تھی۔ راج شیکھر نے پولیس کو بتایا کہ ایک دوست کی طرف سے کی گئی دھوکہ دہی کی وجہ سے اسے کروڑوں روپے کا نقصان ہوا ہے۔
یہ بھی پڑھیں : Mangaluru Auto Blast منگلور آٹو دھماکہ کیس میں پولیس نے تین افراد کو کیا گرفتار
