کرناٹک: بنگلورو سنٹرل کرائم برانچ (سی سی بی) نے پارپنا اگراہارا جیل اور دیگر 8 مقامات پر چھاپے ماری کی ہے۔ اس کی تصدیق جوائنٹ کمشنر آف پولیس (کرائم) سندیپ پاٹل نے کی ہے۔
انہوں نے بتایا کہ صبح 5 بجے ڈاگ اسکواڈ کے ہمراہ مذکورہ مقامات سمیت آٹھ جیلوں میں چھاپہ ماری کی گئی، جس میں موبائل فون، گانجہ، چاقو، سگریٹ، میموری کارڈ اور سم کارڈ ضبط کیے گئے ہیں۔
یہ بھی پڑھیں: گلبرگہ: نئے انسداد گئو کشی قانون کے خلاف سماجی و ملی رہنماؤں کا احتجاج
بنگلورو ڈی سی پی (مغرب) کے مطابق بنگلورو ویسٹ ڈویژن میں پولیس نے گھروں پر وسیع پیمانے پر چھاپے ماری کی۔ صبح 5 بجے کاماک شیپالیہ اور بیدارا ہلی کے علاقوں میں بھی چھاپے مارے گئے۔ جس میں 105 گھروں پر چھاپے مارے گئے اور 76 کو حراست میں لیا گیا۔
