بنگلور: سڑک حادثات میں اضافہ، خاطیوں پر کارروائی کو مطالبہ

حال ہی میں نیٹ امتحان میں ٹاپ پوزیشن حاصل کرنے والی تصدیق بُشرا، کالج کے پہلے ہی روز گھر لوٹنے کے دوران خراب سڑک اور گڑھوں کی وجہ سے سڑک حادثے کا شکار ہوئی تھی جس کی وجہ سے موقع پر ہی اس کی موت ہوگئی تھی۔

ریاست کرناٹک کے شہر بنگلور میں حال ہی میں 19 سالہ طالبہ تصدیق بشرا نے نیٹ امتحان میں ٹاپ کر کے بنگلور میڈیکل کالج میں مفت داخلہ حاصل کیا تھا۔

اس معاملے میں پولیس نے ٹرک ڈرائیور کو گرفتار کیا اور ساتھ محکمہ پولیس سے بی ایم کارپوریشن کو سڑکوں کی خستہ حالی سے متعلق نوٹس جاری کی گئی ہے۔

اس سلسلے میں شہر کے سماجی و سیاسی کارکنان کی جانب سے 'سیٹیزنس فار بنگلور' کے بینر تلے پریس کانفرنس منعقد کی گئی اور حکومت سے مطالبہ کیا گیا کہ آئے دن ایسے دردناک حادثات کے ذمہ دار تمام محکموں و متعلقہ افسران پر سخت کارروائی کی جائے تاکہ اس طرح کے حادثات پر روک لگے۔

اس موقع پر ریاستی حکومت سے مطالبہ کیا گیا کہ بنگلور میونسپل کارپوریشن کی غیر ذمہ داری اور لاپرواہی کی وجہ سے حادثات ہورہے ہیں۔