اجلاس کی صدارت ضلع یادگیر بہوجن سماج پارٹی کے صدر تجمل حسین نے کی جبکہ واسو بہوجن سماج پارٹی کے ریاستی نائب صدر نے مہمان خصوصی کے طور پر شرکت کی۔
اس موقع پر بہوجن کے سماج پارٹی ضلع یادگیر کے صدر تجمل حسین نے اپنے خطاب میں کہا کہ اتر پردیش کے ہاتھرس میں ہوئی اجتماعی جنسی زیادتی کے واقعے نے خواتین کی عظمت کو تار تار کیا ہے۔
ہمارے ملک میں خواتین کو دیوی مانا جاتا ہے اور ان کی پوجا کی جاتی ہے ملک میں ایسے معاملات بھارتیوں کو شرمسار کرتے ہیں۔
انہوں نے مطالبہ کیا کہ ملزمین کو جلد از جلد گرفتار کر کے سزا دی جائے اور مرکزی حکومت اجتماعی جنسی زیادتی کے معاملات پر خصوصی قانون بناتے ہوئے سخت سے سخت سزا تجویز کرے تاکہ سماج میں پھر کوئی ایسا گناہ کرنے کی ہمت نہ کرے۔
