بنگلور: کرناٹک کے دارالحکومت بنگلورو کے فریڑم پارک میں ریاست بھر کے مختلف اضلاع سے تقریباً 12،000 آشا ورکز نے اپنی مانگوں کے ساتھ برسر اقتدار بی جے پی حکومت کے خلاف احتجاجی دھرنہ منعقد کیا۔ اس موقع پر آشا ورکرز کی رہنما رما نے کہا کہ نہ ہی ہماری کم تنخواہ میں کوئی اضافہ کیا جارہا ہے اور نہ ہی انہیں ان کا معاوضہ وقت پر دیا جارہا ہے. ریاستی و مرکزی حکومت کی جانب سے دئے جانے والے قلیل معاوضے کو تکڑوں میں دیا جارہا ہے جس سے انہیں دشواری پیش آرہی ہے.
آشا ورکرز کہتی ہیں کہ انہیں آر ای ایچ پورٹل کی تکنیکی وجوہات سے معاوضہ ملنے میں دقتیں پیش آرہی ہیں اور یہ مسئلہ حکومت سن 2017 سے حل نہیں کر پائی جس کی وجہ سے انہیں گزشتہ 5 سالوں سے محنتانہ صحیح طور نہیں دیا جارہا ہے۔ احتجاج کے دوران وزارت فیملی ویلفیئر کے کمشنر پہونچے اور آشا ورکرز کو دوبارہ دلاسہ دینے کی کوشش کی گئی۔
یہ بھی پڑھیں:
اس سلسلے میں آشا ورکرز کی لیڈر رما نے بتایا کہ کمشنر فار فیملی اینڈ ویلفیئر نے انہیں اسی ماہ 26 تاریخ کو ایک میٹنگ ممنعقد کرنے کا وعدہ کیا ہے جس میں حکومت اور آشا ورکرز کے درمیان بات چیت ہوگی اور بعد میں ان کی مانگوں کو پورا کرنے کی کوشش کی جائے گی۔
